അദ്ദിക്ർ

അവരെ സഹായിക്കുമെന്ന് കരുതി, അവര്‍ അല്ലാഹുവിനെക്കൂടാതെ മറ്റു ഇലാഹുകളെ തെരഞ്ഞെടുത്തിരിക്കുന്നു, ഇവര്‍ക്ക് അവരെ സഹായിക്കുവാന്‍ സാധ്യമല്ല, എല്ലാവരെയും ഒരുമിച്ചുകൂട്ടുന്ന നാളില്‍ അവര്‍ ഇവര്‍ക്കെതിരെ വരുന്ന പട്ടാളക്കാരായിരിക്കുമെന്ന് 36: 74-75 സൂക്തങ്ങളില്‍ പറഞ്ഞിട്ടുണ്ട്. നീ ചോദിക്കുക, നിങ്ങള്‍ അല്ലാഹുവിന് ജല്‍പിക്കുന്ന പങ്കാളികളില്‍ സൃഷ്ടിപ്പ് ആരംഭിക്കുകയും പിന്നെ അത് ആവര്‍ത്തിക്കുകയും ചെയ്യുന്നവരായി ആരെങ്കിലുമുണ്ടോ? നീ പറയുക, അല്ലാഹു മാത്രമാണ് സൃഷ്ടിപ്പ് ആരംഭിക്കുകയും പിന്നീട് ആവര്‍ത്തിക്കുകയും ചെയ്യുന്നത്, അപ്പോള്‍ എങ്ങനെയാണ് നിങ്ങള്‍ തെറ്റിക്കപ്പെട്ടുകൊണ്ടിരിക്കുന്നത്? നീ ചോദിക്കുക: അല്ലാഹുവിന്‍റെ അധികാരാവകാശങ്ങളില്‍ നിങ്ങള്‍ പങ്കുചേര്‍ക്കുന്നവരില്‍ ആരെങ്കിലും സത്യത്തിലേക്ക് മാര്‍ഗദര്‍ശനം ചെയ്യുന്നവരായുണ്ടോ; നീ പറയുക: സത്യത്തിലേക്ക് മാര്‍ഗദര്‍ശനം ചെയ്യുന്നവന്‍ അല്ലാഹു മാത്രമാണ്. സത്യത്തിലേക്ക് മാര്‍ഗദര്‍ശനം ചെയ്യുന്നവനാണോ മാര്‍ഗദര്‍ശനം നല്‍കപ്പെട്ടാലല്ലാതെ സ്വയം സന്മാര്‍ഗ്ഗം കാണാന്‍ കഴിയാത്തവനാണോ പിന്തുടരപ്പെടാന്‍ ഏറ്റവും അര്‍ഹനായിട്ടുള്ളവന്‍, അപ്പോള്‍ നിങ്ങള്‍ക്ക് എന്തുപറ്റി? എത്ര അന്യായമായ തീരുമാനമാണ് നിങ്ങള്‍ കൈക്കൊള്ളുന്നത് എന്ന് 10: 34-35 സൂക്തങ്ങളില്‍ ചോദിച്ചിട്ടുണ്ട്. 2: 254; 6: 21-24; 16: 27-29 വിശദീകരണം നോക്കുക.